Okkar ferðir logo

Ævintýri í Afríku. Sierra Leone. 12 daga ferð í nóvember 2023

Það er spennandi að kynna fyrir Íslendingum Sierra Leone þar sem fáir hafa enn uppgötvað þetta fallega land.  Ferðaþjónustan er á byrjunarstigi og samfélagið að þróast mikið og hratt.  Landið hefur ekki verið á radar ferðalanga eða ferðaskrifstofa í fjölda ára, aðallega vegna langvarandi borgarastyrjaldar sem hófst á síðustu öld og lauk ekki fyrr en í byrjun þessarar aldar. Saga landsins er tengd þrælasölu og frelsi þræla þegar borgin Freetown var stofnuð.
Í þessari ferð mun hópurinn upplifa gestrisni hjá þeim sem fagna gestum, oft með söng og dansi.  Við komum til með að skoða fallegar strendur sem áður voru víðfrægar baðstrendur og ferðamenn fylltu upp úr miðri síðustu öld.   Við ætlum að kanna þjóðgarða landsins, upplifa frumskóginn og menningu.  Við heimsækjum lítil þorp, förum á markaði og menningarsvæði Freetown. Dvalið verður á nokkrum völdum og spennandi stöðum í landinu sem er stórt og oft erfitt yfirferðar.
Þar sem ferðaþjónustan er á miklu byrjunarstigi má gera ráð fyrir að upplifa í sumum tilfellum nokkuð frumstæðar aðstæður og hluti sem við eigum kannski ekki að venjast. En eitt sem er víst, er að góður matur og frábær gestrisni bíður ferðalanga.
Meðalhiti í Sierra leone er um það bil 27 gráður á Celsíus og er Sierra Leone eitt af heitustu og blautustu löndum í Vestur Afríku. Rigningartímabilið byrjar í maí og stendur fram í byrjun október/nóvember. Besti ferðatíminn er frá lok október og fram í byrjun maí. Á þeim tíma sem þessi ferð verður farin er allur gróður í sínu besta og loftið hreint og tært.

Fararstjóri í þessari ferð verður Guðrún Helga Bjarnadóttir. Guðrún hefur farið nokkrar ferðir til Sierra Leone, bæði á eigin vegum og i starfi sínu fyrir alþjóða hjálparsamtök,  en eitt af verkefnum hennar er í fátækustu héruðum þessa lands.
Guðrún er menntaður leiðsögumaður og fararstjóri og hefur mikla reynslu af ferðalögum bæði erlendis og á Íslandi auk þess að hafa búið erlendis.
.

Ferðatillhögun:
Flogið til Brussel með Icelandair og gist þar fyrstu nóttina.
Á degi tvö er flogið til Lungi International Airport með Brussel Airline og ferðast þaðan með rútu og svo með báti til Freetown.
Dvalið í Sierra Leone í 10 daga (nánar síðar)
Á ellefta degi er flogið með kvöldflugi til baka og komum við heim til íslands seinnipartinn á 12 degi.

Eingöngu verða 20 sæti í þessari ferð þannig að þeir sem vilja vita nánar er velkomið að hafa samband við okkur, einnig varðandi forskráningu.

Ekki er komið endanlegt verð í ferðin en það kemur fljótlega